(Bos stories)
Rondomtaliedraai vertel van die nuwe Wilde Woordeboek wat kostelike afrikaanse woorde bevat. Terwyl ek die vervangingswoorde vir “longdrop” lees, raak ek nostalgies en onthou mý ondervinding in so ‘n … plaaspardoems.
As skoolkind was my besoek aan die dieptroon gewoonlik vroeg, baie vroeg. Voor ligwording, nog voor ons die halwe kilometer tussen die lande na bo moes deurstrompel teerpad toe. Daar sou ons bibberend wag vir die skoolbus om ons op te pik. Menigmaal het ons afgekom op half gevriesde slange in die bospad wat vroegoggend agter warm sonkolletjies aanseil.
Die gemakgat was nie baie gemaklik nie en koud vir die ontblote boude. Want bo die sinkplate wat pa aanmekaar getimmer het was dit oop en kon die wind selfs van onder jou verras. Daarom het ek dié oggend sommer bloots op my hurke gaan sit, bo-op die plonsput.
Dis toe dat ek die fluisterende kielie-kielie op my boboud gewaar. Ek frons – is dit verbeelding? Dit voel so liggies, saggies, hier in die halwe skemerlig. Sonder om te dink vat my hand oor die kielie en ek voel die kraak van ‘n yskoue wawielspinnekop wat perfek in die grootte van my hand pas! Al wat ek verder kan vertel is dat ons albei deur die lug geplons het, soos ek soos wind die plonsput agter my verlaat het …
DIE GOUE WAWIELWEBSPINNEKOP (Argiope cuspidata)
Die Wawielspinnekop se byt is nie giftig nie, alhoewel baie seer. Inteendeel, daar word vermoed dat die poli-amien toksiene potensieël terapeuties kan wees!
Hulle het stewige, lang, ovaal, duidelike geel-en-swart agterlywe wat met verskillende patrone versier is. Met hulle lang bene kan hulle nogal vreesaanjaend voorkom. Dit is egter net die wyfie wat so groot word en koponderste- bo aan goue drade hang.
Die wawielspinnekop het baie natuurlike vyande en verskeie voëls, ander insekte en ook diere soos blouapies vang hulle.
‘n Nuwe spesie is onlangs ontdek wat as ‘n reus beskou word tussen die web-bewoners “Nephilakomaci.”
Hulle is egter baie skaars en is nog net in KwaZulu-Natal aangetref. Niks is bekend oor die gif van die nephilas vir mense nie. Die spinnekop kom min in aanraking met mense aangesien hulle vinnig wegvlug as gevaar dreig.
GOUE WAWIEL-WEBNEPHILAS
As jy van naby na ‘n wawielweb kyk, sal jy dalk ‘n baan sigsagdrade van die middel af sien uitstraal – wetenskaplikes noem dit die stabilementum. Hierdie spinnekop is van ons grootste web-bouers wat met goudkleurige sy spin. Die grootte laat menig wildkykers vries omrede die sydrade besonder sterk is en tot klein voëltjies kan vang. Die wyfe sit gewoonlik heel opvallend in die middel en verlaat nooit die webhuis nie. Daar vang sy daagliks vlieënde insekte op.
Nou ja, kom ons klim die Jeep en gaan soek botterspinnekoppe. Hoe nou? Nee dankie? Niemand wil saam ry nie?
Gedurende April span die wyfie haar web oor die pad en kan jy nie waag om sonder ‘n groot tak op die oop Jeep die bosse in te rits nie. Die voorste persoon steek dan die tak vooruit, sodat dit die spinnekop en web voor die tyd opvang en die drade of spinnekop nie binne in iemand se hemp beland nie. Chaos!
Glo my – sekere mense (mans ingesluit) is banger vir so ‘n spinnekop binne die Jeep dan ‘n leeu buite die Jeep. Gillend spring hul af of skuif op, en moet die spinnekop eers gevang word voordat hulle dit waag om terug te klim!
Moet dus asb nie volgende keer uit die Jeep spring wanneer hierdie spinnekop jou boud kielie nie. Hulle is pragtig en skadeloos!
Stem jy?
(Fotos geneem deur Blommie – DMD215)
Daardie spinnekoppe genier ere plek in ons tuin. Die somer was effe aan die koel kant so ons vanjaar omtrent niks gehad nie.
LikeLike
Ja, snaaks dat die weer die spinnekoppe so beinvloed. Dankie vir die inloer. Waardeer.
LikeLike
fantastisch verhaal.Wat zou ik schrikken.Proficiat met de mooie foto’s.
LikeLike
Thanks-a-lot natuurfreak! For reading my story. Kon jy die afrikaans maklik verstaan? Ek het gelees op jou blog ook en was verras dat ek dit kon begryp ook !
LikeLike
Ek dink soos jy al agtergekom het, vrek ek oor spinnekoppe en als in die natuur. Baie beter geselskap as meeste mense. 😆 Fantastiese pos en ek het lekker gelag toe ek die stukkie lees van die plonsput. Jy skryf baie goed en die foto’s is absoluut stunning! 😀
LikeLike
Dankie jou lekker kommentaar, Sonel, eks sal nou nie saamstem en sê ek vrek oor die spinnekoppe soos jy, maar is die Groot Vyf nogals vir my ‘n uitdaging en die natuur. Oe – ons gaan nog lekker fotos bymekaar kyk!
LikeLiked by 1 person
Dis ‘n plesier en ja, ek’s maar een van die ‘weird’ lotte wat hou van die goedjies. 😆 Ten minste weet jy hoe om ordentlike en mooi kommentaar te los en ek waardeer dit. Ek vrek oor die natuur en als wat daarmee te paard gaan maar is nie lief om rond te ry nie en verkies om by die huis te wees.
Ongelukkig is die toeriste aantrekking hier by ons ook so groot dat mens party naweke in elk geval nêrens heen kan gaan nie, want dan lyk die verkeer hier soos in ‘n stad en ek kan dit nie hanteer nie. En die plekke waarnatoe mens kan gaan om diere te kyk soos die Cheetahs, Bush-babies, Olifante, ens. ens. is so vrek duur dat net die toeriste dit kan bekostig, so ek was nog nie by een van hulle nie. Net die slangpark is bekostigbaar. 😆
So ja, dis vir my lekker om foto’s te sien van al die ander groot diere in die natuur. Ek sien ons gaan lekker kuier ja. 😀
LikeLiked by 1 person
Ok, ek is nie Spinnekoppie of Tolbossie nie, maar wel Sneeuflokkie❄️,(‘n girl, mag mos maar haar mind change? – en dit gaan begin sneeu hier 😁!)
LikeLike
Natuurlik mag ‘n girl haar mind change, ek hou van die naampie. Hoop ons sien fotos van die sneeu in Kanada op jou blog … ?
LikeLike
Jy laat mens lekker lag met jou plonsput ondervinding 🙂 Hoe baie van jou skrywe.
LikeLike
Baie dankie vir jou inloer Orange Blue. Jy is self ‘n bedrewige skrywertjie…
LikeLike
maar ai, Kanada moet erg koud wees!
LikeLiked by 1 person
Hi seegogga! Lekker om jou krappie hier te sien. Skuus, ek verstaan nie jou kommentaar heeltemal. Hierdie storie en fotos het afgespeel in Limpopo, SA.
LikeLike
Toemaar seegogga – ek is nou by, lyk my jy en my suster in Kanada gesels hier met mekaar. Het nou die volle storie beet. Dalk ken jul nog mekaar …
LikeLiked by 1 person
Ja!? Ongelooflik. En tog, klink dit … logies. Arme spinnekoppe. Ek sien per toeval gisteraand op TV ‘n blou-aap wat slaappille ingekry het en van ‘n dak probeer afklim! Zombie. Eintlik erg as jy dink mense neem sulke medikasie … nie dat ek teen medikasie is, maar verkies om weg te bly daarvan.
LikeLiked by 1 person
Ek stem!
LikeLiked by 1 person
Aha! Net die nuwe gesiggie waarvoor ek wag! En dit vanuit Kanada! Eks bevoorreg. Natuurlik sal jy saamstem, my sus, jy het dan saam my die longdrop (ag, plonsput) gebruik. Welkom hier in SA.
LikeLike
Spinnekoppe is eintlik baie interessant! Eenkeer gelees DAT as hulle ingespuit word met een of ander uitskeistof van skizofrene dink ek nie seker presies wat nie spin hulle vreemde webbe!
LikeLiked by 1 person
Interessant! melouisef – laat mens dink. (jammer, my boonste kommentaar oor ape was eintlik vir jou bedoel. Het dit verkeerde plek geplaas.)
LikeLiked by 1 person
Ja natuurlik daar is jare gelede met LSD eksperimenteer en soms dink ek ek moet maar by Greepeace aansluit!
LikeLiked by 1 person
Dankie vir jou inloer en welkom hier Gobetween! ‘n Nuwe gesiggie bly ‘n inspirasie. Hiehie, kan al sien hoe jy arms wild swaai en jou lyf slaan … (gaan bietjie loer wat jy in jou blog aanvang…)
LikeLike
Ek is baie bang vir spinnekoppe. Ek sal my arms wild swaai en my lyf slaan met my hande en my dood gril.
LikeLike
Ek is bly jy skryf hier.Ek het destyds toe jy by SêNet sulke oulike natuurgoed geplaas het,gehoop jy sal liewer blog.Die spul daar het dit nie waardeer nie,net gekyf oor politiek,taal en godsdiens.
Blommie se foto’s is ongelooflik.Spinnekoppe is van my gunsteling natuurbewoners.
LikeLiked by 1 person
Hiehiehie perdebytjie. Ek het gewonder of jy kan onthou dat ek Trienie van die Sênet briewe was. Uitgevang! Ek was toe al erg oor jou. Gerespekteer vir jou sieninge, al het ons nie altyd saamgestem. Daardie manne het my goed opgewerk en jy het my vrou alleen tussen hulle gelos! Sies. (Glimlag) Maar, die kennis was goed… Ja, jy het my toe al bemoedig om oor te gaan na ‘n ‘blog’ – ek het gedink dit is te moeilik. Ek het baie jou blogs gelees, het altyd jou spoor probeer opsoek…
Dankie jou kommentaar. Waardeer jou.
LikeLike
Ek het lankal geweet jy is Trienie..vanaf jou eerste pos hier..hehe!
Ek hou baie van jou denkwyse en ons het baie raakpunte,behalwe godsdiens.Hier op die blogs is nie ruimte vir verskil en skel nie,net deel van idees en allerdaagse interessante gebeurtenisse in ons lewens.Lekkerrrr!
LikeLiked by 1 person
Nou lekker gesmile vir jou ondervinding by die “plonsput” Spokie, en jou vertel en fotos van die wawielwebspinnekoppe net so geniet. Hulle is regtig groot en die web baie sterk, het n paar keer vinke dood in die webbe gesien daar in Hoedspruit se wereld.
LikeLiked by 1 person
Ag dankie jou volledige kommentaar, waardeer. Sjoe, kon jul fotos neem van die vinke in die webbe? Ekself het dit nog nooit aanskou nie. Ons wil juis bietjie wegbreek die naweek na Hoedspruit se kant, is lus vir Graskop se Gods window en asemrowende watervalle.
LikeLiked by 2 people
Ongelukkig was ek daai tyd nog student Spokie, nie geld gehad vir kamera-films nie… Die plaaspad het al langs n wildheining en telefoonlyn geloop, die spinnekopee het tussen die 2 hul enorme webbe gespin en die vinke so gevang.
Die Blyde Canyon is nog een van ons gunsteling wegbreekplekke, ek glo met die lente nou in volle swang gaan dit pragtig wees. Geniet dit!
LikeLiked by 2 people
Pragtig geskryf en interesant met fantastiese fotos.
LikeLike
Dankie vir jou inloer, Tokeloshe. Ek is natuurlik mal oor jou cowboy fotos op jou blog. Soos ek sê, ons het nie cowboys hier by ons nie, net renosterstropers en wilddiewe …
LikeLiked by 1 person
Aha hier ontdek ek toe darem vir jou
Blommie se foto’s is pragtig – Sy het beslis nie ‘n kursus nodig nie.
Ek lees altyd baie lekker hier – Jy mag maar!
LikeLike
Ai, dis altyd vir my so lekker om jou pienk blommetjie te sien. Ek geniet nog steeds jou plonsput, dieptroon en gemakgat. Te oulik! Hou asb aan om vir my mooi nuwe afrikaanse woorde te stuur …
LikeLike
hyeheheh dit was maar ‘n aanstuur epos daardie! Ek het vandat ek hier bly ‘n beperkte woordeskat nodig en dis te lekker
LikeLiked by 1 person
Daars hy-y! Wou nog vra, maar weet nou dat “Rondomtalie” is “n persoon! 😃
LikeLiked by 2 people
Ek hardloop my bene stompies!
Enige iets wat soos ‘n gogga lyk freak my uit. Ons het reenspinnekoppe (weet nie of dit rerig is nie, maar dis wat die mense hier hulle noem) in ons huis. Baie. Maar ons los hulle. Ek maak hulle nie dood nie, maar soms slaap ek met een oog oop as ek een op die plafon gewaar!
Maar soos ek sê, ons los hulle, hulle kan ons niks doen nie.
Dis net GRILLERIG!!!!
LikeLike
Hiehiehie – ja nee, ‘n spinnekop bly maar ‘n grillerige ding. Maar ek kan in my geestesoog sien hoe jy hardloop …
LikeLike
Kyk, Usain Bolt sal lyk of hy draf!
LikeLiked by 1 person
Vrek, ja nee! Ek hardloop saam… Spokie, onthou jy die werkers op oom Oosthuizen se plaas, het my “Spinnekoppie” genoem, en dan was ek vrek skaam van maergeid hie😄hie😂! Kan ek maar weer “Spinnekoppie” wees op hierdie blog, of verkies jy “Tolbossie” soos in ‘n vorige e-pos aan jou?
LikeLiked by 2 people
Daar was vajaar honderde ( lees buitengewoon baie) can hulle in my tuin op Struisbaai naby d Suispunt v Agulhas. Opvallend is die pragtige goue web, asook die ingewikkelde simmetriese patroon. Na n sekere aantal dwars draadjies is daat n spasie. Dis elke keer dieselfde getal draadjies. Dit kan ook duidelik op jou foto gesien word. Hierdie spinnekoppe kan tel en is wiskundiges( en ingenieurs)!
LikeLiked by 1 person
Sjoe seegogga, dis ongelooflik! Mens leer net meer en meer by die natuur elke dag …
LikeLiked by 1 person
Hi, Seegogga, ons kom vanaf Bredasdorp – daar naby julle! Nou sit ons hoog en droog (of eerder nat en koud) hier in Kanada. Hier sien ek nie sulke groot spinnekoppe nie, maar hulle oorleef die winters hier (tot ten minste -40 grade C), want die sneeu het nog nie klaar gesmelt nie, dan is hulle in jou huis! -vanwaar “Gehazi”?!
LikeLike
Nou toe nou! Hoe klein is die wereld! Ek woon op Bredasdorp. My ouers se huis ( wat nou my strandhuis is) is op Struisbaai.
LikeLike