(Spesiale dank aan Sonel wat op my blog agtergekom het dat ek die volle storie omtrent die luiperdspoor-in-die-sand nog nie geplaas het nie.)
Terwyl ons afdaal na die laagwaterbrug, sien ek hoe die geelsand in die Sabierivier onder die sakkende son begin blink. Ons is vrolik – die kampplek is net om die draai en kan ons die tjoppies op die knetterende vuur al ruik.
Met ‘n rondborstige gevoel begin ons kameratoerusting wegpak. Ons dag was volmaak: die Groot Vyf is talle keer op film vasgeprent en het ‘n geheimsinnige Luiperd in ‘n hemelhoë boom ons die heel middag op ons tone gehad. Daar is niks beters wat nog kan gebeur nie…
Ek is verkeerd. Iets flits oor die brug en verdwyn agter ‘n sandbank. Skielik briek die Fortuner onder my boude.
“Luiperd!”
“Wat!?” koor dit om my en ek trek asem in.
Sowaar – daars “Kolle in die sand”. ‘n Luiperd is besig om te rol en te krap en te speel en homself te groom voor die nag se wilde vangs. Hy moes vanuit sy veilige skuiling gekom het en maak reg om ook sy tjoppie vir die nag te jag.
Moeder Natuur het ons weereens verras en besluit om die hoogtepunt van die dag vir die aand-slot-toneel te bêre. ‘n Volmaakte dag wat agterna nog lank onthou sou word, want voor jy kon se ‘mes’, was al wat ‘n kamera en verkyker is stewig in die hand.
DIE NASIONALE KRUGERWILDTUIN bevat groot tuisvelde wat aan al die vereistes van Die Groot Vyf voldoen. Hier inspireer en fassineer die Luiperd jou met sy louter grootte en krag.
LUIPERD FEITE
1. Die Luiperd (Panthera pardus) word omtrent 70 – 80cm hoog en kan tot 70kg weeg.
2. Hulle is alleenlopende en geheimsinnige diere.
3. Gewoonlik jag hulle snags, en doen dit deur die prooi in ‘n lokval te lei.
4. Die luiperd se woonplek is in digte bosse, rotsagtige koppies of woude.
5. Bedags slaap hulle meestal in ruig hoë bome vanwaar hulle die wêreld rondom kan bespied.
TYD OM TE GAAN: Skielik spring die Luiperd op en stap dieper die rivier in. En dit voel asof een van my kinders besig is om my te verlaat…
Met die blote oog kon ons hom nie meer gewaar, maar het die lens ons verseker daar is nog steeds: “Kolle in die sand.”
Let net op die grootte van die poot voor die luiperd se gesig. Dit kan maklik oor die volle gesig van ‘n mens klem …
Sjoe, jy het die ongelooflikste foto’s geneem! Jy maak my sommer lus om volgende die kinders van luiperds te leer.
LikeLike
Aaag, dankie vir jou inloer Manewales. Daai kinders van jou is in elk geval so oulik, hul sal gou van luiperds leer
LikeLiked by 1 person
Wat ‘n wonderlike ervaring!!!
Special -:D
LikeLike
Dankie Emy! Ja – kan jy dink as hul so ‘n pragtige luiperd moet dood net om sy vel in die hande te kry. Voel dus saam met jou baie sterk daaroor …
LikeLike
Ek dink nie ek was al bevoorreg om ‘n luiperd te sien nie.
LikeLike
Toortsie, sowaar? Nog nooit luiperd gesien. Sjoe – wens ek kan jou gaan wys … Vir my is dit die mooiste van die katte.
LikeLiked by 1 person
Magnificent cat with spots.
LikeLiked by 1 person
Yes – the Leopard is magnificent.
LikeLiked by 1 person
En ek het lankal hierdie mooi fotos van jou gesien, maar nie kommentaar gelewer nie – regtig moeilik op die sel!
LikeLike
Hallo! Ja, ek het gewonder of ek jou iewers verloor het. Dit is moeilik op die sel, vernaam as mens ouer word en oë moet begin korrel …
Dankie jou inloer.
LikeLiked by 1 person
Dit is baie goeie fotos, met interesante feite.
LikeLike
Baie dankie Tokeloshe. Ja – die luiperd bly maar ‘n aanskoulike dier.
LikeLiked by 1 person
Baie nice Storie!!
LikeLike
Baie dankie jou kommentaar. Waardeer!
LikeLike
Sjoe! Dis darem die mooiste dier en jy het sulke pragfoto’s Spokie! Wow! Wat ‘n belewenis moes dit gewees het!
Sulke interessant luiperd feite. Altyd lekker om meer oor hierdie pragdiere te leer. 😀
Ai ja, ek ken daardie gevoel. Dis hoe ek voel as ek sien my wilde aapkinders maak reg om terug te gaan berg toe. 😆
Dankie dat jy dit geplaas het. Jy het defnitief my dag gemaak hoor! 😀 ♥
LikeLike
BAie dankie aan jou! dat jy my herinner het aan hierdie luiperdfotos. Jy moet weet, my jare stap ook al aan en gebruik ek ook al haarkleursel vir die grys (Hiehie)
Sê my, daardie aapkinders van jou, as mens so een sien wat heeltemal spierwit-wit is, dink jy dit is ‘n albino-kie? Ek het storie daaroor, maar is bang eks verkeerd.
LikeLiked by 2 people
Ag, is ‘n plesier en ek dink jy is nog jonger as ek, so jy moet weet hoe dit partykeer hier gaan. 😆
Ja, dit is albino vervets. Die mooiste goedjies ooit, maar shame, ek dink die son kan hul vreeslik brand ook. Ek het hul hier gesien:
http://africageographic.com/blog/albino-ververt-monkey/
So ja, jy is glad nie verkeerd nie. Kan nie wag om jou mooi foto’s te sien nie. 😀
LikeLike
Jip! Dankie die info. Sien – hier inspireer jy my weer. Kyk uit vir die storie oor Sneeuvlokkie … (die apie) Dankie ook die link.
LikeLiked by 1 person
Ag, dis dierbaar van jou om dit so te sien en ek sien uit daarna. Groot plesier. 😀
LikeLike
Pragtig.
LikeLike
Dankie Gobetween. Lekker om jou gesiggie hier te sien!
LikeLiked by 1 person
Is dit nie wonderlik hoe n mens partykeer jou heel beste Kruger-oomblik ingepas kry net voor die hekke sluit nie!? Pragtige fotos Spokie!
LikeLike
Dankie Dries. Ja – net voor daardie hek sluit keer die olifante jou vas of die katte wil begin jag. (Sug) Dis goed jy praat. Nou onthou ek weer die leeu-en-buffel-konfrontasie wat ons beleef het, stoksielalleen, in die middel van die spul. En ja – natuurlik was die hekke op sluittyd!
Nou kan ek sommer begin met daai storie ook …
LikeLiked by 1 person
Kan nie wag nie!
LikeLike
Pragtige foto’s. Ons is nooit so gelukkig nie.
LikeLike
Hi Olga-kie! Ja, meestal is dit geluk om die diere raak te sien, ek dink mens se oë kan instel op die bosveld se diere. Ons handhaaf natuurlik ‘n paar dinge: Ry BAIE vroeg al, ry die HEELDAG, ry BAIE stadig, kom eers weer vanaand by die kamp, en natuurlik is die volgende belangrik: los die mans en kinders rukke by die kampplek om te rus (Hul like glad nie daarvan as ons so ure op die pad is nie… )
LikeLiked by 1 person
My man is dol oor KNP. Hy ry vroeg, ry stadig en ry tot laat. Ek vang al vis van agtuur af. Maar hy stop gewoonlik as hy so iets sien, dan word ek natuurlik wakker.
LikeLike
Hiehiehie – ek sien julle twee al in die KNP so saamry. Maar dis swaar as mens se ooge wil begin toeval, en die kar se wiele wieg so onder jou, En die koppie knik na benede – ken daai gevoel. Ek slaap net so lekker in die kar … Gewoonlik is my verskoning – “Verskoon, ek wil net gou bietjie ‘charge’, dan is ek weer reg …”
LikeLike
Sjoe mooi soos gewoonlik vriendin
LikeLike
Baie dankie my vriendin. Ons land lewer tog mooi fotos op!
LikeLiked by 1 person
Heheheh jy is net beskeie!
LikeLike
Fantastisch verhaal en uitzonderlijk mooie natuurfoto’s.
LikeLike
Baie dankie natuurfreak, waardeer dat jy daar sovêr vanaf oorsee gereeld hier kom inloer. Vele dank!
LikeLike
Mooi luiperd ek onthou nog die geskarrel vir die kameras!!! Hoogtepunt van ons dag!!
LikeLiked by 1 person
Aaah – verbeel ek my of sien ek Blommie (ons fotograaf) begin nuuskierig inloer hier in die WP blogs? Baie welkom!
LikeLike
Bliksem… maar dit is die mooiste fotos… waneer was die sighting.??
een ding is vir seker, om luiperd te sien in die KNP een moet baie gelukkig te wees… en heerdie sighting is uitstekende… Sjoe maar hierdie fotos is van die beste wat ek gesien het…
LikeLiked by 1 person
Aaag baie dankie bulldog. Ek geniet jou fotos net so baie. Hierdie fotos is geneem in April 2014. Moontlikheid is dus groot dat die luiperd nog leef vandag. Gaan hom weer soek oor Desember …
Maar ek moet waarsku (en hier val ons manne uit) ons ry vroeg in die oggend tot baie laat in die aand. (Die manne wat nie fotos neem nie, kry swaar om by te bly. Siesta liewer in die kamp. Hiehiehie)
LikeLiked by 1 person
Ek is soos jy, helle dag ry
LikeLiked by 1 person