Inleiding tot …
Oehoe! Kannie wag om jou al my bosstories te vertel nie.
As kind het ek grootgeword in die bosveld van Suid Afrika en was dit niks snaaks vir pa om ‘n sinkhuisie aanmekaar te timmer rondom ‘n massiewe maroelaboom nie. Daar sou ons woon tussen Dikstertskerpioene – wat tot 14cm lank word – tot slange wat saans agter my strelende klaviertokkelspel aanseil.
My broers het grootwildjagters geword met ‘n dors na bloed en skougewere terwyl ek meer van ‘n bewaring in myself gekweek het. Daar is geen plesier vir my daarin om ‘n formidabele buffel ‘n loodkoël in die hart te gee of om te kies watter koedoe se horings die imposantste trofee sou uitmaak nie.
Ek hou nie van opgestopte diere met dooie glasoë teen mure uitgestal nie en verkies om eerder die rippeling van die dier se spiere onder sy blinkvel te sien bokspring! Die reuk van olifantmis, of die soet geur van veldblommetjie is dinge wat my sintuie bekoor en is daar niks salliger as om met die sagte gehoot-hoot van naguiltjies aan die slaap gesus te word nie.
Geniet my stories en veldfeite in ons afrikaanse lieflingstaal. So kweek ons ‘n bewaring vir die nageslag asook ‘n trots vir ons asemrowende natuur.
(Header scorpion pietpetoors.com)
Storie 1 – “Lees my ondervinding met ‘n botterspinnekop in ‘n longdrop…” hier: https://spokiesnyspoor.wordpress.com/2014/10/28/van-plonsput-tot-botterspinnekop/
Kudos, bewaar ons diere. Soos jy sê daar is min goed so mooi soos trillende spiere onder die blink vel van die lewende dier nie.
LikeLiked by 1 person
Je mag er zeker van zijn dat ik geniet van je foto’s en verhalen.
LikeLiked by 1 person
Ek voel nes jy oor opgestopte diere. Ons ‘skiet’ hulle maar eerder met ons kamera’s né? Dit klink asof jy ‘n wonderlike kinderlewe gehad het en dit het gemaak dat jy die natuur net meer waardeer vir wat dit is. Ek geniet om jou foto’s te sien en jou mooi stories te lees. Hou so aan. 😀 ♥
LikeLike
Dis die lewe!😃
LikeLike