In vandag se tegnologiese tydperk is dit nie meer moeilik om jou vinger op ‘n knoppie te sit en goeie fotos te neem nie.
Die vraag wat ek moet vra is: “KEN ek die produk wat ek wil kiek?” Want feite omtrent die dier of omgewing gee die foto ‘n dieper betekenis en kleur die prent vir ander in.
Almal ken die Olifant. Maar weet ons dat ‘n olifant tot 6 300kg kan weeg en tot 40km per uur kan hardloop? Dis belangrik om te weet dat olifante se getalle steeds jaarliks afneem en nou slegs beperk is tot groot bewaringsgebiede. Indien ek hiervan bewus is, sal ek ook iets doen om die olifant se bestaan vir ons nageslag te help bevorder.
Hoeveel water moet ‘n olifant per dag drink? Ken jy die antwoord? Voeg die antwoord gerus by onderaan jou kommentaar – ek is seker daar is ander wat ook graag wil weet.
Feite verdiep waardering en ontlont nuurkierigheid. Dink net hoe lekker sou dit wees as almal hul kennis onder fotos kon byvoeg.
Wees dus welkom!
Veldfeite 1: Lees hier omtrent dierspore. Kan jy iets byvoeg? https://spokiesnyspoor.wordpress.com/2014/10/02/luiperdspoor-in-die-sand/
Veldfeite 2: Lees omtrent die bontrugwewer hier: https://spokiesnyspoor.wordpress.com/2014/11/03/bontrugwewer/
Spokie sny Spoor 
Prachtig dier.
LikeLike
Jy en Blommie maak ‘n gedugte span! Ek geniet regtig baie hierdie blog, dit laat my wens ek kon ‘n wildbewaarder wees
LikeLiked by 1 person
Dankie dat jy my veldfeite besoek het, Sparkle. Eks bly, want ek moes al lankal meer aandag aan daardie blad gegee het. Skoon vergeet.
Ek dink ook om ‘n wildbewaarder te wees is ‘n voorreg.
LikeLike
Wat ‘n stunning foto van die pragdier Spokie. Ag moeder! En kyk hoe lekker drink ons daardie water! Te mooi vir woorde! 😀
Dis baie lekker om interessante feite oor diere op te lees en meer te leer van hulle. Ek weet ek geniet dit vreeslik as ek foto’s neem van die goggas en diere om my en hulle te gaan op-google op die internet. As ek nie weet wat dit is nie, vra ek maar rond of sluit aan by groepe op FB om my te help.
Hierdie is so lekker pos van jou en sover ek weet, drink olifante tot 250 liter water per dag en as hul meer drink, dan is daar ‘n teken dat daar iets fout is met hul gesondheid, maar dit is maar net wat ek al opgelees het oor hulle. Of dit so is, weet ek nie. Mens kan nie altyd alles glo wat jy lees nie. 😆
Verskoon my dat ek verder gaan lees. Jy het my nou ‘hooked’. 😀 ♥
LikeLike
Nou toe – sien, ek het nie eers geweet ‘n olifant drink so baie water op ‘n dag en dat jy volgens dit hul gesondheid kan meet nie. Interessant! Ja, die diereryk is so ryk dat ons jaar in en jaar uit saam hul kan kuier.
Daardie ladybird van jou het my vandag net so interesseer. Eers was ek hartseer dat hul net ‘n jaar leef, en toe bly toe jy antwoord dat daar baie kleintjies darm uitbroei.
LikeLiked by 1 person
O, ek stem beslis hoor en dis lekker om saam mense te kuier wat net so lief is vir die natuur en diere en nog lekkerder as ons so saam kan leer. Ek geniet dit vreeslik en jou blog is so lekker kuierplek hoor. 😀
Ek is mal oor die goggas en goete wat hier in my tuin rondwemel en ek is bly ek kon jou hartjie weer blymaak. Ek probeer maar altyd die positief in iets sien wat my ook hartseer maak. 😀 ♥
LikeLike
Sê tog dankie aan Blommie vir die mooi foto. Ek het nooit kon dink dat ‘n olifant so goed sou balanseer op een poot nie! (Wel, sirkus olifante kan, nê!) 😃
LikeLike
Dankie Sneeuvlokkie, ek sal Blommie sê. Lekker om jou gesiggie weer hier te sien!
LikeLike